Zer da guretzat lankidetza-ikaskuntza?

Gaurkoan, lankidetza-ikaskuntza definitzea izan da irakasleak proposatu diguna,  eta honako hau izan da emaitza:

Talde lanean helburu jakin batekin lanean aritzea eta elkarrengandik ikastea da.

Berebizikoa da elkarrekin koordinatzea, errespetuz jokatzea eta batak besteari laguntzeko konpromisoa hartzea. 

Gainera, taldeko kide bakoitzak rol ezberdin bat beteko du, hau ere aldatzen doala. Honela, adostasun batera iristea izango da helburua. Rol ezberdinak hartzean, errazagoa da denen artean koordinatu eta taldekide bakoitzak lanari bultzadatxo bat ematea.

Hezkuntza munduan, funtsezkoa da lan taldetan aritzea, irakasle taldea bilerak egiteko elkartzen denean edota klasean bertan, umeak lan egiteko garaian elkarrekin aritzean, adibidez. 

Honek, abantaila anitzak ditu: batak ez dakiena besteak osatzea, ikuspuntu desberdinetatik ulertzea gauzak, trebetasun ezberdinez baliatzea, ondo koordinatuz gero lan txukun bat egiteko aukera, denbora aurreztea...

Lankidetza errazteko tresna teknologikoak ugariak dira, horien artean, sare sozialak, moodle, foroak, posta elektronikoa, google drive, skype, dropbox, whatsappa… ditugu.