Zeintzuk dira gaur egungo errealitate aldarkorrean era egokian aritzeko behar ditugun trebeziak?

Gaur egungo gizartea etengabe aldatzen ari denez, honek ere gure pentsaera eta ekintzak  moldatzea  eskatzen du.  Zygmunt  Baumanek dioen bezala, modernitate likido batean murgildurik gaude, aldarkorra dena, ezezaguna. Ondorioz, ezinezkoa da  garai ezberdinetan bizi diren haurrei hezkuntza berdina ematea.

Hori dela eta, pixkanaka-pixkanaka  proiektu berriak sortu beharko dira, gaur egungo metodologia zaharkitua geratu delako.  Hori aldatu ezean, aurrera egitea ezinezkoa izango da. Ditugun baliabideak ugariak dira, baina hala eta guztiz ere, haien erabilera ez da egokia, eta ez dira behar bezala aprobetxatzen.

Teknologiarekin batera, talde-lanen papera ere azpimarratu nahiko genuke, izan ere, frogatua baitago eraginkorragoa dela taldeka aritzea bakarka baino.  Honen abantailak ugariak dira. Gainera talde lanak, arauak errespetatzea, erabakiak aurrera egitea, arazoei irtenbide bat ematea, rol aldaketak,  konpromezua, taldekoen habilezien aprobetxamendua... bultzatzen baitute.

Gizartea aldatu eta teknologiaren berritze honek, lan munduaren arloan ere aldaketak eragin ditu. Ondorioz, garrantzi handia hartu du lanean kooperatiboki eta elkarlanean aritzeak. Irakaslea jada ez da informazio iturri bakarra, haurren elkarrekintza ezinbestekoa bihurtu baita. Honek beraz, izugarrizko aldaketa suposatu du hezkuntzari dagokionean, klase tradizional horiek alboratuz.