Gizartearen ezaugarri eta erronka berriak / Ikaslearen eta irakaslearen konpetentzia digitala

    GIZARTEAREN EZAUGARRI ETA ERRONKA BERRIAK:



-        Multialfabetizazioa

-          Informazioaren tratamendua

-          Komunikaziorako bide berriak

      

Gaur egungo belaunaldiko ikasleei, idazten eta irakurtzen jakiteaz gain, beste trebezia batzuk garatzea eskatzen zaie. Horien artean, audiobisuala, teknologikoa eta informazionala daude. Ikasleak aipaturiko trebezia hauek eskuratzen dituenean, multialfabetizazio maila egoki bat duela esan genezake.

      Gizartea aurrera doan heinean, komunikatzeko bide ezberdinak sortzen joan dira, horien artean, egunkariak, aldizkariak, telebista, irratia, interneta… bide ezberdin ugari hauen bidez, informazio anitza eskuratzen dugu. Horretarako, informazioaren tratamendua eman beharko da, lehenik eta behin testua analizatuz, ondoren aukeraketa bat eginez eta azkenik, testu berri bat lortzen delarik; honela alfabetizatze informazionala lantzen da.

      Ondorioz, gizartea eboluzionatuz eta alfabetizatze ezberdinak garatuz joan dira, guzti honek komunikatzeko bide berriak ekarri dituelarik.

 

 IKASLEAREN ETA IRAKASLEAREN KONPETENTZIA DIGITALA:

-    -        Natibo digitalak Vs etorkin digitalak

-        Irakaslegoaren jarrera IKT aurrean

-       Teknofilia Vs teknofobia

Alde batetik, natibo digitala bezala definitzen diren pertsonak daude. Hauek momentuko teknologiarekin jaio dira, hau da, txikitatik teknologiaren inguruan bizi izan dira, hauekin erlazionatuz. Adibide bezala gaur egungo haur txikia daukagu: jaiotzen denetik etxean ordenagailua, mugikorrak, liburu digitalak… izango ditu. Orokorrean teknologiaz inguraturik egongo da.

Beste aldetik, etorkin digitala definizioaren barnean kokatzen diren pertsonak daude.  Hauek ez dira momentuko teknologiarekin jaio, baina denborarekin hauek erabiltzen hasiko dira, egokituz. Adibidez, gure gurasoak gazteak zirenean ez zeuden teknologia digitalak erabiltzen ohituak, baina denborarekin egoera berrira egokitu behar izan dira, teknologiak erabiltzen ikasiz.

Honen adibide dira gaur egungo irakasleak. Duela hamarkada batzuk ikastetxeetan ez zegoen gaur daukagun teknologia digitalik. Geletan ez zeuden ordenagailu, proiektore edota pantaila digitalik. Horren ordez arbela eta testuliburuak zeuden. Denbora pasa ahala,  eta gizartea aldatu den bezala, irakasleak ere egokitu eta modernizatu behar izan dira. Hasiera batean, irakasle askok beldurra zieten teknologia berriei, ohitura faltagatik batez ere. Hala ere, gaur egungo irakasle gehienak teknologiaren beharra sumatzen dute eta erabiltzen ikasi dute.

Honekin lotuta, teknofobia eta teknofiliaren kontzeptuak daude


Teknofobia teknologiarekiko ezeztapena izango litzateke, gorroto edo beldurrarengatik. Aldaketei beldurra dieten pertsonak izaten dira, 
antsietatea sortzen baitiete. Adibide bezala gure aiton-amonak aipa ditzakegu.



Teknofilia, aldiz, teknologiarekiko adikzioa izango litzateke. Pertsona hauek teknologia berriak jarraitzen dituzte, beti aparatu berrienak erosiz.  Ezin dira teknologiarik gabe bizi, haien menpe daude. Batzuk teknologia hezkuntzaren arazoen salbazio bezala ikusten dute. Esan genezake, gaur egun gero eta pertsona teknofiliko gehiago daudela.